NEÑES Y NEÑOS

¡Hola! Yá nos los dixo Andrés nel videu. El conceyu de Gijón/Xixón quier que nos contéis munchísimes coses, que-yos les contéis a tola ciudá, a tou Xixón, a 273.909 persones, pero, sobre too, queremos qu’uséis esti apartáu nesta web pa falar ente vosotros y vosotres.
Ye’l vuestru espaciu pa falar, pensar, rir, facer coses y deprender con otros neños y neñes de Xixón o de cualesquier llugar del mundu.
Queremos que nos unviéis los vuestros videos. ¿Qué podéis grabar y mandanos?

Dámosvos exemplos:

1. En casa pol coronavirus. Cuéntanos: ¿Cómo te sientes? ¿Preocúpate lo que ta pasando col coronavirus? ¿Qué pienses d’esta situación? ¿Qué faes en casa pa pasar el tiempu? ¿Cómo entames el día? Graba un videu y mándanoslu.

2. Un caxón de xastre enllenu actividaes. Enséñanos eses milenta coses que sabes facer: ¿Gústate pintar? ¿Ficisti un dibuxu maraviyosu? ¿Encántente los rompecabeces? ¿Tienes dalgún trucu pa pasar el to videuxuegu? ¿Sabes facer un trucu de maxa? ¿Bailles dalgún cantar de moda? ¿Tienes creao dalgún baille col to cantar favoritu? ¿Sabes tocar dalgún instrumentu? ¿Sabes dar la vuelta’l sapu? Grábalo y mándanos el videu pa qu’otros neños y neñes lo vean y puedan deprender a facelo; amás van poder enseñate qué faen estos díes en casa.

3. Cuéntame un cuentu: ¿Sabes contar cuentos? ¿Tienes un cuentu preferíu? ¿Hestories de mieu y coruxía? ¿D’aventures? ¿Del cole? ¿D’amor? ¡Queremos que nos cuentes los tos cuentos! Da igual si los escribió un escritor o escritora, si los escribisti tu, o si ye’l que te contaben tu madre o to padre cuando yeres mui pequeñu o pequeña. Cuéntanoslo nel videu que grabes y otros neños y neñes van contate tamién los suyos.

4. Xeres pa en casa: Estos díes, tantu tiempu en casa, tola famila…de xuru qu’hai muncho qu’acuriosar y recoyer, llimpiar y cocinar. Cuéntanos cómo faes la cama o cómo pones la mesa, o si ficisti un postre riquísimu, o si te presta cocinar y qué platos faes.

5. Mánda-yos un mensaxe. Graba un videu y di pa quién ye; con dicir el nome y si ye un amigu o amiga del cole, del parque, del entrenamientu…yá val. Eso sí, tienes que dicir qué día-y mandes el mensaxe. Por exemplu: Soi Xuan y tengo 8 años. Güei ye 7 d’abril y mando un mensaxe a la mio amiga María, sentámonos xuntos en clase, y quiero dicite: (agora díces-y lo que tu quieras).

NUN ESCAEZAS dicir el to nome al entamas el videu (Sara, Pepe, Lolo, Marta…) y los años que tienes. ¡Ah! Ye mui importante que los videos nun duren hores y hores y más hores. Graba como MÁXIMU 5 o 6 minutos y asina vamos poder ver más.

Tienes que nos los mandar los tos videos a la direición de corréu electrónicu: nenasynenos@gijonsequedaencasa.es

O, si lo prefieres, a través de WhatsApp al número:
648 40 06 87

SEMEYES: a esta mesma direición de corréu o número de WhatsApp, pues mandanos tamién semeyes de los tos dibuxos, de lo bien que te quedó’l bizcochu, d’eses galletines tan riques, de los cuentos y poemes qu’escribes. Nun escaezas dicinos el to nome y cuántos años tienes.

Al ser d’imáxenes de menores, va unviase-yos un corréu electrónicu a los adultos responsables d’ellos pa que den el preste pa publicales nesta web. Nun se van poder usar les fotos nin los videos pa otros fines.

SOSCRÍBETE AL NUESTRU NEWSLETTER

INFORMACIÓN SOBRE PROTEICIÓN DE DATOS

Acordies colo dimpuesto nos artículos 8.1 y 11 de la Llei Orgánica 3/2018, de 5 d’avientu, de Proteición de Datos personales y garantía de los derechos dixitales ( dende agora LLOPD) y los artículos 6 c) y 13 del Reglamentu européu 2016/679 de 27 d’abril pa la proteición de les persones físiques no que cinca al tratamientu de los datos personales y a la llibre circulación d’estos datos (dende agora RXPD), informamos que los sos datos personales vas ser utilizaos por Divertia Gijón S.A. namás cola finalidá exclusiva GIJÓN SE QUEDA EN CASA.

Pela so parte, Divertia gijón S.A. comprométese a : non usar los sos datos personales pa finalidaes distintes a les afitaes nel párrafu anterior; protexer, preservar y salvaguardar la confidencialidá, integridá y disponibilidá de los sos datos coles midíes téuniques, humanes y organizatives que precisen; consevar los sos datos personales namás el tiempu imprescindible qu’estableza la Llei; proceder a eliminalos, borralos o destruyilos en pasando’l tiempu de custodia llegal; y facilitar l’exerciciu de los sos derechos d’información, accesu, igua, supresión/olvidu, oposición, al traviés del Responsable de Proteición de Datos per aciu del corréu electrónicu, a: Divertia Gijón S.A., Cabrales 82, 33201 Gijón/Xixón, email: empresas@gijon.info